隔牆有耳: 阿松教仔仔要識輸 2015-04-17

阿松返母校講湊仔經,仲揸神棍同在場學生玩自拍。

2015年04月17日(五)【蘋果日報】
入閘前熱定身,是常識吧?前財政司司長梁錦松前日原來以國際小母牛香港分會主席身份,回歸母校英華小學出席「小母牛──匯豐開卷助人嘉許禮2015」活動,向在場嘅校長、教師同學生大派湊仔女貼士,例如要鼓勵仔女讀書,就要由身教做起,亦建議家長同小朋友一齊禱告,透露自己每晚都會同仔女一齊祈禱,有時借此懺悔對囝囝過於嚴苛,等小朋友知道爸爸「做錯會認」。


一女二子之父嘅佢自爆老二皓嘉以前缺乏自信,唔願意試新事物,喺一次運動會跑步比賽仲一度怕輸而想退出,後尾靠太太鼓勵先至起步兼贏到第一名,但同時認為家長要教小朋友「懂得贏、懂得輸」。阿松仲用自拍神棍同在場學生自拍,據聞佢操控神棍得心應手,自己亦成被「集郵」對象。

李八方



Back