政情:親子閱讀「昌」導感恩惜福 2016-07-17
梁紀昌期望下一代能發揮助人精神。(徐家浩攝)

2016年07月17日(日)【東方日報】
時下為人父母者,經常為教育子女懂得感恩惜福而頭痛。人稱「校長爸爸」嘅鮮魚行學校退休校長梁紀昌就有好計,尋日佢出席一個閱讀籌款計劃時話,家長若想令下一代明白衣食無憂係何等幸福,其中一個方法係透過親子閱讀,從故事當中領略助人自助嘅精神。

自幼家貧 關心弱勢社群

梁紀昌特別推介《凱琪的包裹》繪本書籍,因為故事講述美國同荷蘭兩位筆友關愛互助嘅小點滴,而且梁紀昌囡囡嘅名咁啱又同故事主角一樣,難怪佢咁鍾意本書喇!

梁紀昌又分享細個喺木屋區生活嘅經歷,佢話每逢冬天木屋特別凍,就算冚棉被都唔覺暖,最終要攬住阿媽至瞓得着。到咗六月就要四出留意工廠嘅招聘告示,趁暑假打工幫補家計。隨住時代嘅改變,香港日趨富裕,但係仍有唔少基層家庭為三餐溫飽而費思量,所以佢退休後仍繼續關心弱勢社群。

Back