小母牛開卷助人「從閱讀體會貧窮」名人故事分享
2016-07-16

「‪‎開卷助人‬」計劃上星期六舉行咗故事分享活動，與百多位小朋友和家長過咗個充實嘅早上。3位嘉賓都係講故專家，在場小朋友都坐定定、全神貫注咁聽故事。
今次主題係「從閱讀體會貧窮」，鮮魚行學校退休校長梁紀昌因為女兒凱琪，特別揀選咗《凱琪的包裹》：講述兩位小筆友互寄物資，幫助對方度過生活上嘅難關。
啟基學校創校校長 莫鳳儀 MH JP 就分享咗 《最想做的事》：貧窮小主角排除萬難才能閱讀，勉勵小朋友追尋閱讀嘅樂趣。
電台節目主持 怪獸叔叔 則推介能擴闊世界觀嘅《如果地球是個小村莊》：佢認為了解世界各地人民嘅狀況，才能培養出同理心。